Mozilla 1.4a ute

3. april 2003 (oppdatert 25. august 2005)

Nettlesaren Mozilla 1.4a vart endelig sleppt for nokre dagar sidan. Det viktigaste nye er:

• Sterkt forbetra bokmerkehandtering
• Betre handtering av sprettoppvindauge
• Jamn rulling

Sistnemnte er ikkje påslått som standard, men er noko eg har venta på lenge. Kjempekjekt å sjå at det endelig kom med!

Du kan lasta ned Mozilla frå nedlastingssida. Sørg òg for å få med deg versjonsnotata.

Elles håpar eg å ha ein nynorsk språkpakke klar om ikkje so altfor lenge. I mellomtida kan du kosa deg med ein testspråkpakke. Denne inneheld sjølvsagt språklige feil og manglar, og det er rundt 450 ikkje-omsette «tekstar», men han skal vera fullt brukbar. Kommentarar til det som er omsett er som vanlig svært velkomne på e-post.