Påskekrim – dag 7

18. april 2003 (oppdatert 25. august 2005)

Jøss, no har me allereie hatt sju dagar med påskekrim, og eg er framleis ikkje lei. Vel, eg er sjølvsagt litt lei De utvalgte, men gårsdagens episode var iallfall den beste. Han var faktisk sjåverdig.

Elles imponerte Kriminalsjef Foyle stort. Dette er ein fantastisk god serie. Ikkje berre er han god i sjølve kriminalgåtene – han klarer òg å integrera bakgrunnshistorien (krigen) i fortellinga, og tar opp interessante «moralske» spørsmål i samband med dette. Og skodespelarane er alle framifrå, og perfekt rollesett. Spesielt Honeysuckle Weeks i rolla som sjåføren Sam er heilt herlig.

Serien Arr i sjelen på TV 2 er som tidligare nemnt òg bra, men eg synest ikkje historien i desse to episodane var like god som den første.

Hørespelet Piken og døden får eg først med meg i reprisen i kveld.