3. juni 2003 (oppdatert 25. august 2005)
Arve Bersvendsen skriv om ein sjekkemeny for Opera, som gjer det lett å sjekka nettsider i alle slags validatorar/sjekkeverktøy. Mozilla kan sjølvsagt ikkje vera verre, og har sin eigen sjekkemeny – Checky.
Når du installerer Checky, får du ein meny med direktetilgang til veldig mange sjekkeverktøy, gruppert etter kategori. Sjekkeresultata blir automatisk opna i nye faner (eller vindauge, om du føretrekker det), og du kan førehandsvelja innstillingar for alle sjekkarar som har dette.
Ein annan veldig kjekk funksjon i Checky, er at du kan velja ei liste over sjekkarar, og so kjøra sida du er på gjennom alle desse samtidig, med eitt klikk. Praktisk!