23. august 2004 (oppdatert 25. august 2005)
Slashdot er ein nettstad med tilsynelatande endelause, ofte barnslige og uopplysande diskusjonar om ymse «nerdeting». Men av og til dukkar det opp enkelte stjerneglimt, som her:
Denne filmen viser ein genial, kjapp og utrulig stilig måte å bretta T-skjorter på. Og det verste av alt er at det verkar. Prøv sjølv, og imponer svigermor!
Og for å halda fram i folkeopplysingas ånd kan eg nemna at T-skjorte skriv me slik på norsk, med stor «T». Skjorta er forma som ein «T», derav namnet. Og dei som den siste tida har komme og begynt å skriva og seia «t-shirts», «tee-shirts» og liknande vil verta dei første opp mot veggen når revolusjonen kjem! Berre til orientering, altso. Takk!