3. mai 2003 (oppdatert 25. august 2005)
PNH Developer Toolbar er ei ekstra verktøylinja du kan installera i Mozilla, og som er ganske nyttig ved nettsideutvkling.
Verktøylinja gjev deg rask tilgang til blant anna:
- Lenkjer til W3C-standardar
- Sjekking av sida i åtte forskjellige validatorar
- Deaktivering og byting av stilsett
- Vising av skjemadetaljar og informasjonskapslar
Det som er so praktisk med denne verktøylinja, i motsetning til mange «programbokmerke», er at resultata alltid blir opna i nye faner. Då går det kjapt å for eksempel kjøra ei sida gjennom alle validatorane.
Verktøylinja har òg lenkjer til andre tilleggsprogram i Mozilla, blant anna DevEdge-multitavla, som er det andre verktøyet eg vil snakka om.
Sidestolpen i Mozilla (trykk «F9») kan ta mange tavler, og DevEdge-multitavla er av dei nyttigaste. Denne inneheld oversiktlige «innhaldslister» over alle viktige nettsidestandardar. Du kan for eksempel slå opp i HTML-standarden i lister over element eller attributt. Når du trykker på eit nøkkelord, kjem du direkte til relevante plass i tilhørande standard.