1. mai 2004 (oppdatert 25. august 2005)
I dag, laurdag klokka 12:55 sender NRK1 den norske musikalfilmen Ungen, etter Oskar Braatens skodespel, og med musikk av Egil Monn-Iversen. (Det finst òg ein vanlig spelefilm basert på same skodespel.)
Filmen handlar om arbeidarklassen på slutten av 1800-talet, og sentrerer rundt Milja, ei fattig fabrikkarbeidarjenta som blir gravid, og ser seg nøydt til å setta vekk «lausungen».
Det verkar kanskje ikkje å vera ei handling eigna for musikkspel, men filmen fungerer faktisk veldig bra. Han gjer ei fin framstilling av menneska, og vanskane med livssituasjonen deira.
Elles er ikkje all musikken noko å ropa hurra for, men det finst nokre perler, som den nydelige visa Balladen om Randi Libanon.
Alt i alt er dette ein veldig fin film, som verkelig kunne fortent ei skikkelig lyd- og bilderestaurering. Han tar seg dessverre ikkje so godt ut som han er.
Eg gjer filmen 8 av 10 poeng. Anbefalt!